गजल

एक्लै सागर तर्छु भन्यौ, मरे अन्तै मर्छु भन्यौ

अब देखि आफ्नो शुर, आफै अन्तै गर्छु भन्यौ

मत अवाक् जिल्ल पर्दै, तिम्रो सहास हेरि रहेँ

मन मिल्ने अर्कै खोजी, बसाई अन्तै सर्छु भन्यौ

मेरो मनको ढोका सधैँ बन्द गर्ने तिम्रो रहर

र त अर्को बास्ना दिने, फूल अन्तै छर्छु भन्यौ

मेरो मनको रंग तिमीले, सके सरी देखे पछि

चमक दिने बस्तु सँगै, रंग अन्तै भर्छु भन्यौ

निर्दयी पो हुँदो रैछ, निर्मोहिको मनै पनि

बीच बाटोमै छाडि मलाई, जालमा अन्तै पर्छु भन्यौ